Бұл сұраққа Қазақстан Республикасы Денсаулық сақтау министрлігі санитарлық-эпидемиологиялық бақылау комитеті төрағасының орынбасары Зәуре Ахметова жақында өткен Денсаулық сақтау министрлігінің брифингісінде жауап берді.
Оның айтуынша, вакцинадан кейін, бір жарым айдан соң қыз-келіншектерге бала көтеруіне болады.
«Екі бірдей екпені алғаннан кейін, араға 1,5-2 ай салған соң ғана иммунитет толық қалпына келеді. Міне, сол кезде жүктілікті жоспарлауға болады», - деді ол.
Алайда бұған дейін жүкті әйелдер мен емізулі баласы бар аналарға коронавирусқа қарсы вакцина салуға болмайтыны хабарланған. Осының анық-қанығын білу үшін басқа да дәрігерлердің пікірін білдік.
Отбасылық дәрігер Жанар Қарабаеваның сөзінше, емізулі аналар мен екіқабат қыз-келіншектерге вакцина салдыруға болмайды. «Ал егер әйел вакцинаның бірінші екпесін алған соң жүктілігін білсе, екінші компонентті алуға болмайды. Өйткені вакцина салдырған соң, кем дегенде 6 ай өткеннен кейін бала көтеруді жоспарлаған дұрыс», – деді ол.
«Вакцина салған соң, иммунитет 6-айда вакцинаны өзіне қабылдап, коронавирусқа төтеп беруі керек. Сол себепті осы аралықта бала көтермеген жөн. Оның үстіне, ондай кезде кез келген қыз-келіншек гинеколог дәрігерімен ақылдасқаны жөн», – дейді педиатр Роза Әлімбекқызы.
«Вакцина салған соң, иммунитет 6-айда вакцинаны өзіне қабылдап, коронавирусқа төтеп беруі керек. Сол себепті осы аралықта бала көтермеген жөн. Оның үстіне, ондай кезде кез келген қыз-келіншек гинеколог дәрігерімен ақылдасқаны жөн», – дейді педиатр Роза Әлімбекқызы.