Атырау облысында «Бекіре-2021с » акциясы басталған 3 аптаның ішінде браконьерлерден 19 тоннаға жуық балық тәркіленіп үлгерді. Бұдан бөлек, Жайық – Каспий су айдыны аумағындағы 3 облыста (БҚО, Атырау, Маңғыстау) 571 заңбұзушылық анықталған. Оның басым бөлігі жаңағы айтқан Атырау облысында тіркелді.
Маңғыстау өңірінде 98 заңбұзушылық тіркелсе, Батыс Қазақстан облысында 33 жағдай анықталған. 26 дерек бойынша қылмыстық іс қозғалып, заңды белшесінен басқандарға 7 миллион теңгеге жуық айыппұл салынған. – Заңсыз айналымнан алынған 19 тоннаға жуық балықтың бір жарым тоннасы бекіре тұқымдас балық. Сондай-ақ акция кезінде 1 200-ге жуық ау құралы мен 54 жүзу және көлік құралы тәркіленді. «Бекіре-2021» акциясы мамыр айының соңына дейін жалғасады, – дейді Атырау облыстық орман шаруашылығы және жануарлар дүниесі инспекциясының бас маманы Рүстем Қорқытов.Мадияр ТӨЛЕУ