Теннисшілер Ярослава Шведова мен Юлия Путинцева Мадрид WTA 1 000 турнирінде ұтылып қалды.
Дүниежүзілік рейтингте 725-орында тұрған Я. Шведова әлемнің 25-ракеткасы, Тунис өкілі Онс Жабермен кездесті. 1 сағат 15 минутқа созылған матчта тунистік теннисші 6:2, 6:3 есебімен жеңіске жетті. Осылайша, теннистен Қазақстан әйелдер құрамасының капитаны жарыс жолын аяқтады. Ал рейтингте 30-сатыда тұрған Ю.Путинцева әлемнің 18, аталған доданың 15-ракеткасы, ұлыбританиялық Йоханна Контадан басым түсе алмады (4:6, 2:6). Бұл бәсеке 1,5 сағатқа жалғасты. Жүлде қоры 2,5 млн еуродан асатын Мадрид турнирін отандастарымыз сәтсіз бастады. Дегенмен үміт жоқ емес. Қазақстанның бірінші, әлемнің 22-ракеткасы Елена Рыбакина 30 сәуір күні сынға түседі. Ол негізгі турнирге іріктеу сайыстарынан кейін қосылған, рейтингте 78-орында тұрған аустралиялық Айла Томляновичпен кездеседі. Бұдан бұрын іріктеу сайыстарында сынға түскен Зарина Диас негізгі кезеңге өте алмады.Айбике ЖАНАСЫЛ