Мексикалық боксшы Сауль "Канело" Альварес (55-1-2, 37 КО) британиялық Билли Джо Сондерспен (30-0, 14 КО) титулды біріктіретін жекпе-жектен кейін қазақстандық Геннадий Головкинмен (41-1-1, 36 КО) үшінші рет айқасуға дайын екенін мәлімдеді.
Мексикалықтың басты шарты GGG екінші орта салмаққа көтерілу керек.
"Шынын айтқанда, мен бәріне ашықпын. GGG-мен үшінші жекпе-жекке де. Мен онымен титул біріктіретін айқастан кейін жұдырықтасуға дайынмын. Бірақ кездесу екінші орта салмақта өтеді. Осында көтерілсін. Егер менімен айқасқысы келсе, осылай істесін", – деп береді Альварестің сөзін Boxingscene.com.
