Көз жұмғандар санының статистикадан асып кеткені туралы ақпарат шындыққа жанаспайды
Көз жұмғандар санының статистикадан асып кеткені туралы ақпарат шындыққа жанаспайды

ҚР Денсаулық сақтау министрлігі денсаулық көрсеткіштері және бағалау институтының (ihme, АҚШ) "COVID-19 жалпы өлім-жітімін бағалау" атты жарияланған зерттеуінде ақпаратқа қатысты айқындық енгізуде.

ҚР Стратегиялық жоспарлау және реформалар жөніндегі агенттігі статистика бюросының деректеріне сәйкес 2020 жылдың қорытындысы бойынша коронавирустық инфекциядан қайтыс болғандар саны 4 729 адамды құрады. 2021 жылдың 4 айында КВИ-дан қайтыс болғандар саны — 1 846 адам.
"Осылайша, пандемия басталғаннан бері Қазақстанда КВИ-ден 81 696 адам емес, 6 575 адам қайтыс болды. Денсаулық көрсеткіштері және бағалау институтының көрсеткіштерінің дұрыс еместігі айқындалды. Сонымен қатар, Ұлттық статистика бюросының алдын ала деректері бойынша 2020 жылы қайтыс болғандардың саны 2019 жылмен салыстырғанда 21,8% немесе 29 124 адамға артып, 133 489 адамға қарағанда 162 613 адамды құрады. Осылайша, артық өлім-жітім 29 124 адамды құрады, бұл институттың мәлімделген көрсеткіштерін де жоққа шығарады", — делінген министрлік хабарламасында.
Анықтама. КВИ — 4 729 адам немесе 16,2% қоспағанда, адамдар басқа да аурулардан қайтыс болып жатты: қан айналымы жүйесі, тыныс алу органдары, жүйке жүйесі, жұқпалы және паразиттік аурулар. Жоғарыда баяндалғанның негізінде  "COVID-19-дан жалпы өлімді бағалау" денсаулық көрсеткіштері және бағалау институтының (ihme, АҚШ) жүргізген зерттеулеріне сәйкес жарияланған статистикалық деректер Қазақстан Республикасында тіркелген нақты деректерге сәйкес келмейді.