Алматы «Nur Otan» бастауыш ұйымдарының саны бойынша республикада бірінші орында тұр. Мегаполисте барлығы 675 бастауыш партия ұйымы жұмыс істейді, олар сондай-ақ 60 мың партия мүшелерін біріктіреді. Осы және басқа да көрсеткіштер партияның Алматы қалалық филиалының басшысы, қала әкімі Бақытжан Сағынтаевтың төрағалығымен өткен ХXVII есептік-сайлау конференциясында айтылды.
Бақытжан Сағынтаев Алматыдағы нұротандықтар санының өсуі – партияға деген сенімнің жоғары көрсеткіші екенін атап өтті. Ол сонымен қатар «Nur Otan» пандемия жағдайында елдің дамуын қамтамасыз ете алатын жалғыз саяси күшке айналғанын, карантин кезеңінде партия қиын жағдайда қалған азаматтарға жедел көмек көрсеткенін тілге тиек етті. Бұл жұмыстардың бәрі партия Лидері Н.Назарбаевтың бастамасымен құрылған Birgemiz қорының арқасында мүмкін болды. Сонымен қатар партиялық жобалар аясында 7 мыңнан астам аз қамтылған азаматтарға жеке санитарлық қорғау құралдары түрінде 150 млн теңге берілді. Almaty Birgemiz қоры қала тұрғындарына 50 мың теңгеден бөлді, олардың саны 60 мыңнан астам адамды құрады. 52 мыңнан астам мұқтаж отбасы демеушілік қаражат есебінен азық-түлік себетін алды. «Ардагерлерді ардақтайық» партиялық жобасы аясында филиал 4 000-нан астам қарт алматылыққа атаулы көмек көрсетті. Шамамен 1 000 адамға, оның ішінде ҰОС ардагерлері мен 80 жастан асқан адамдарға ыстық тамақ тегін жеткізілді. Жиын барысында «Nur Otan» партиясы Алматы қалалық филиалы төрағасының бірінші орынбасары Мейіржан Отыншиев сөз сөйледі. – Алматылықтар «Nur Otan» ең алдымен қарапайым азаматтардың: дәрігерлердің, мұғалімдердің, жастардың, үкіметтік емес ұйымдардың, көпбалалы аналардың және белсенді азаматтық ұстанымы бар адамдардың партиясы екеніне көз жеткізді. Сонымен қатар соңғы жылдары алматылық нұротандықтар халықты толғандыратын мәселелер туралы айтып қана қоймай, нақты шешімдер ұсынады, – деп атап өтті Мейіржан Отыншиев.Әбілмансұр ЖАСАН