Ақмола облысында қайын ағасын пышақтап тастаған әйел ұсталды
Ақмола облысында қайын ағасын пышақтап тастаған әйел ұсталды
Ақмола облысында қайын ағасына пышақ жарақатын салған әйел ұсталды, деп хабарлады Polisia.kz. 13 мамырда сағат 17:12-де Аршалы ауданының ПБ кезекші бөліміне фельдшерден Жібек Жолы ауылында 46 жастағы ер адам пышақ жарақатын алғаны туралы хабарлама түскен. Науқас Нұр-Сұлтан қаласының ауруханасына "тоқ ішектің пышақ жарақаты" диагнозымен жеткізілді. Оқиға орнына келген тәртіп сақшылары зардап шеккен адамның мүгедек екенін, "ақыл-ой кемістігі" диагнозымен есепте тұрғанын анықтады. Оған дене жарақатын салған інісінің 24 жастағы әйелі болып шықты. Әйел өз кінәсін мойындады, бәрі жанжал кезінде болғанын айтты. Полицейлер Қазақстан Қылмыстық кодексінің 106-бабы (Денсаулыққа қасақана ауыр зиян келтіру) бойынша сотқа дейінгі тергеуді бастады.