Қазақстанда бұршақ жауып, күн салқындайды
Қазақстанда бұршақ жауып, күн салқындайды
– Қазгидромет 18-20 мамырға арналған ауа райы болжамын жариялайды, деп хабарлайды ҚазАқпарат.
«Апта ортасында Қазақстанның басым бөлігінде құбылмалы ауа райы күтіледі, атмосфералық фронтальды жүйелердің өтуіне байланысты кей жерлерде күн күркіреп, шығыста, солтүстікте, орталықта жаңбыр жауады. 20 мамырға қарай еліміздің оңтүстік-шығысында кей жерлерде қатты жаңбыр жауады. 19 мамырдан бастап Салехард аудандарынан суық антициклонның ығысуымен күндізгі ауа температурасы солтүстікте, орталықта төмендейді. Республика бойынша жекелеген аудандарда жел күшейіп, дауыл күтіледі, бұршақ жаууы мүмкін», - делінген хабарламада.