Олар бір жылдан астам уақыт бойы заңсыз жолмен арақ-шарап дайындап, сатып келген, – деп хабарлайды Aikyn.kz порталының тілшісі.
Бұл туралы Ақмола облысы полиция департаментінің криминалды полиция басқармасына 16 мамыр күні анонимді ақпарат түскен. Хабарламада ер адамның «Хасенов» базары ауданында заңсыз алкоголь өнімдерін сатып жатқаны хабарланған.
«Жедел іздестіру шарасы барысында 17 мамыр күні таңғы сағат 9-дар шамасында полиция қызметкерлері Көкшетау қаласы, Боровской шағын ауданында Хасенов базары гараждарының аумағында жасырын алкоголь өнімдерін құю цехінің жұмыс істеп жатқанын анықтады», – дейді Полиция департаментінің баспасөз қызметінің жетекшісі Гүлнәр Пинчук.
Тергеу барысында анықталғанындай, ол 33 жастағы Көкшетау қаласының тұрғыны болып шықты. Ер адамнан оқиға орнында 600 литрлік мөлдір сұйықтық, шамамен 300 литр арақ пен 300 литр таза спирт тәркіленген. Жәбірленушінің айтуынша, арақты арзан болғандықтан, сатуға алған. Полицияның деректері бойынша ер адам аталған іспен бір жылдан астам уақыттан бері айналысып келген. Қазір қылмыстық іс материалы Көкшетау қаласының полиция басқармасына жолданған.
