Жиырма жылда 30 адамның етін жеген 72 жастағы каннибал ұсталды
Жиырма жылда 30 адамның етін жеген 72 жастағы каннибал ұсталды

Мексикада соңғы 20 жылдың ішінде кем дегенде 30 адамды өлтіргенін мойындаған 72 жастағы ер адам қамауға алынды, — деп хабарлайды Sputnik Қазақстан басылымы. 

Полиция 34 жастағы Рейна Родригестің өлімінен кейін оның ізіне түскен. Әйел 13 мамырда жоғалып кетіпті. Мексикалықтың үйін тінту кезінде полицейлер көптеген адам сүйегін тапты. Тәртіп сақшыларының айтуынша, ер адам марқұмдардың етін жартылай жеген. Сонымен қатар, зейнеткердің үйінен әр жылдардағы құрбандарының құжаттары мен жеке заттары тәркіленді. Сондай-ақ, күдіктінің үйінен қыл ара мен аудиожазба табылды. Полиция ол Рейна Родригесті өлтіріп, бөлшектеген деп санайды. Күдіктінің нақты қанша адамды өлтіргені ДНҚ сараптамасынан кейін анықталады. Жалғызбасты ана Рейна Гонсалес ер адаммен көрші тұрған, оның ұялы телефон сататын дүкені болыпты. Көршілер мексикалықтың оған жиі барып, тамақ апарып беретінін айтты. Олар әйелді соңғы рет кісі өлтірушінің үйіне қонаққа барған кезде көрген.