Петропавлда 17 жастағы бойжеткенді қағып, қашып кеткен 63 жастағы ер адам ұсталды
Көлік 17 жастағы қызды жаяу жүргіншілер жолында қаққан.
Жол апаты туралы куәгерлер әлеуметтік желіде жазба жариялады. Қызды қағып кеткен жүргізуші тоқтамай, қашып кетуге тырысқанын жарыса жазды. Видеода сол жолда келе жатқан жол апатына куәгер жүргізуші тоқтап, қызды көлігіне отырғызып алып, жол ережесін бұзған көлік иесін қуып жетеді.
Полиция департаментінің мәліметінше, «Lada – 21154» маркалы көліктің 63 жастағы жүргізушісі кәмелетке толмаған қала тұрғынын қағып кеткен. Зардап шеккен қыз ауруханаға жеткізілді.
Медициналық көмек көрсетілгеннен кейін бойжеткен үйіне жіберілді. Жүргізуші ішімдік ішпегені анықталды. Тергеу басталды.