Атышулы құрылыс бойынша қазір сот алдында жеті адам жауап беріп жатыр. Оларға жеңіл рельсті көлік желісін жобалау кезінде 5,8 миллиард теңгені жымқыруға септесті немесе сеніп тапсырылған қаржыны бейберекет жұмсады деген айып тағылып отыр. Бұған дейін прокурор кей айыпталушыны 7, ал өзгелерін 11 жылға дейін бас бостандығынан айыруды сұраған еді.
24 мамыр күнгі кезекті онлайн отырыста сот айыпталушыларға соңғы сөзін айтуға мүмкіндік берген. Осыдан кейін Нұр-Сұлтан қалалық мәслихатының бұрынғы хатшысы Жанат Нұрпейісов, Жолаушылар көлігі және автомобиль жолдары басқармасының бұрынғы бастығы Рашид Аманжолов, Astana Innovations АҚ экс-басқарма төрағасы Талғат Әшім, «Нұр-Трейд» серіктестігінің бұрынғы директоры Улугбек Ачилов және мердігер компанияның басшысы Тимур Қасабаев сөз алды. Дегенмен ешқайсысы да тағылған айып бойынша кінәсін мойындаудан бас тартты.М.ТӨЛЕУ