Петропавлда сарапшылар мен ата-аналар мемлекеттік балабақшаның шенеуніктің жұбайына берілуіне наразылық танытуда. Солтүстік Қазақстан облысының орталығындағы мемлекеттік
3 балабақша жеке қолына көшіп кеткен.
«Балам «Балдәурен» бөбекжайына барып жүр. Бұл мемлекеттік қазыналық коммуналдық кәсіпорын. 2020 жыл басында жиналыс болып, сонда балабақша жекенің иелігіне өткені жарияланды. Сөйтіп, балалардың тамақтану ақысы қымбаттады. Бұдан бөлек, қосымша ақылы қызметтер енгізілді. Бұрын хореография, ағылшын тілі секілді қызметтер балабақша ақысы құнына кіретін. Енді бұл қызметтерге жеке төлеуіміз керек», – дейді Петропавл тұрғыны Гүлжан Жаңабаева.
2008 жылы қыркүйекте үлкен салтанатпен ашылған «Балдәурен» бөбекжайы тамаша жарақталған. Бүлдіршін топтары айналысатын бөлмелер кең, күн сәулесіне толы. Тіпті, үлкен бассейн де бар. Ата-аналардың мәліметінше, 2019 жылғы жазда мұнда күрделі жөндеу жұмыстары жүргізілген. Тиісінше, ғимарат тұтас бір айға жабылған.
«Жаңа балабақшаны жекешелендірудің заңдылығы сұрақ тудырады. Өйткені жеке қолға беру алдында неге оған ел қаржысына жөндеу жұмыстары жүргізіледі? Яғни, оны иемденген жеке тұлғаға жөндеуге де, жарақтандыруға да ешқандай қаржы шығындау қажет болмайды. Тек таза табыс тауып, ақша сауады. Неге басшылар жөндеуді, жабдықтауды қажет ететін ескі балабақшаларды бизнесмендерге бермейді? Соларды дамытсын», – дейді ата-аналар атынан әкімге шағым білдірген қоғам белсендісі Гүлжан Жаңабаева.
Ал облыс әкімдігінің мәліметінше, «Балдәурен» СҚО әкімдігінің қаулысымен бекітілген МЖӘ аясында 2019 жылы жүзеге асырылатын жобалар тізіміне кірді. Соған сәйкес, сенімді басқаруға берілді. Сондай-ақ облыс басшылығы күрделі жөндеу жүргізілген жоқ деп отыр.
«Балабақша тұрғызылғалы күрделі жөндеу жүргізілген емес. 2019 жылдың маусымында шатырына ағымдағы жөндеу жүргізілді. Ары қарай МЖӘ келісімшарты бойынша күрделі жөндеу жасалады және заманауи жабдықтармен жарақтандырылады», – деді СҚО әкімдігі.
Алайда тек «Балдәурен» ғана емес, басқа екі мемлекеттік балабақша да дауға шатылды. Оның бірінде жаңа қожайын орысы көп өңірде сұраныс аз деп, қазақ топтарын жаппай жауып тастаған көрінеді.
Петропавлдағы жанжалға прокуратура араласып отыр. Құзырлы орган қоғамға жария болған деректердің анық-қанығын тексеруге кіріскен.
Жергілікті қоғамдық кеңес мүшелері де 3 мемлекеттік балабақшаны бизнесмендерге беруге қатысты нақты ақпаратты жасырды деп білім саласына жетекшілік ететін шенеуніктерді айыптап жатыр. Кеңес мүшесі Павел Афанасьев жаңа қожайындар құятын инвестиция көлемі күлкі туғызатынын жеткізді.
«Мысалы, Grand Broker ЖШС он жыл ішінде «Ивушкаға» небәрі 20,4 миллион теңге, яғни жылына 2 миллион теңгеден салмақ. Бұл өте күлкілі сома. Ата-аналардан бір айда одан бірнеше есе артық ақы жинайды. Компания «Балдәуренге» 10 жылда бұдан да аз, небәрі 15,7 млн теңге құймақ. Ал «Баларман» ЖШС «Ақботаға» он жыл бойы бар-жоғы 10,5 миллион теңге бағыттауды жоспарлауда. Девальвация болса, бұл тиын-тебен ғана болып қалады. Осыны да инвестиция деп атай ма?» – деді П.Афанасьев.
Ол құжат жүзінде бәрі дұрыс екенін, алайда іс жүзінде күмән тудыратын мәселелер барын жеткізді: «Кімдердің жеңгеніне қараңыз. Бір ЖШС-ны қалалық білім беру бөлімі басшысының күйеуі басқарады. Екінші ЖШС кезінде жанжалға ұшыраған, мектептің директоры болған адамға тиесілі», – дейді Павел Афанасьев.
Қоғамдық кеңес төрағасы Бақытжан Самиевтің айтуынша, қала әкімінің салаға жетекшілік ететін орынбасарын және білім беру бөлімінің басшысын тәртіптік жазаға тарту жөнінде ұсыным берілді. Бірақ білім беру бөлімінің басшысы Сара Миронова еңбекке жарамсыздық қағазын ашып, сырқаттанып жатып алған.
Айтқандай, ата-аналарының төлемдері сыртында, бюджет осы үш балабақшадағы әр балаға ай сайын 30 мың теңгеден аударып тұрады. Тағы бір гәп: СҚО әкімі МЖӘ нысандарының тізімін бекіту туралы шешімді 2019 жылғы 4 қазанда қабылдапты. Ал 3 балабақша бойынша тендер одан 2 ай бұрын, 14 тамызда өткізіп қойылған. Сол себепті жергілікті жұртшылық «балабақшалар билікке жақын адамдарға мол ақша табу үшін берілді» деген ой білдіреді.
Елдос СЕНБАЙ
Алайда тек «Балдәурен» ғана емес, басқа екі мемлекеттік балабақша да дауға шатылды. Оның бірінде жаңа қожайын орысы көп өңірде сұраныс аз деп, қазақ топтарын жаппай жауып тастаған көрінеді.
Петропавлдағы жанжалға прокуратура араласып отыр. Құзырлы орган қоғамға жария болған деректердің анық-қанығын тексеруге кіріскен.
Жергілікті қоғамдық кеңес мүшелері де 3 мемлекеттік балабақшаны бизнесмендерге беруге қатысты нақты ақпаратты жасырды деп білім саласына жетекшілік ететін шенеуніктерді айыптап жатыр. Кеңес мүшесі Павел Афанасьев жаңа қожайындар құятын инвестиция көлемі күлкі туғызатынын жеткізді.
«Мысалы, Grand Broker ЖШС он жыл ішінде «Ивушкаға» небәрі 20,4 миллион теңге, яғни жылына 2 миллион теңгеден салмақ. Бұл өте күлкілі сома. Ата-аналардан бір айда одан бірнеше есе артық ақы жинайды. Компания «Балдәуренге» 10 жылда бұдан да аз, небәрі 15,7 млн теңге құймақ. Ал «Баларман» ЖШС «Ақботаға» он жыл бойы бар-жоғы 10,5 миллион теңге бағыттауды жоспарлауда. Девальвация болса, бұл тиын-тебен ғана болып қалады. Осыны да инвестиция деп атай ма?» – деді П.Афанасьев.
Ол құжат жүзінде бәрі дұрыс екенін, алайда іс жүзінде күмән тудыратын мәселелер барын жеткізді: «Кімдердің жеңгеніне қараңыз. Бір ЖШС-ны қалалық білім беру бөлімі басшысының күйеуі басқарады. Екінші ЖШС кезінде жанжалға ұшыраған, мектептің директоры болған адамға тиесілі», – дейді Павел Афанасьев.
Қоғамдық кеңес төрағасы Бақытжан Самиевтің айтуынша, қала әкімінің салаға жетекшілік ететін орынбасарын және білім беру бөлімінің басшысын тәртіптік жазаға тарту жөнінде ұсыным берілді. Бірақ білім беру бөлімінің басшысы Сара Миронова еңбекке жарамсыздық қағазын ашып, сырқаттанып жатып алған.
Айтқандай, ата-аналарының төлемдері сыртында, бюджет осы үш балабақшадағы әр балаға ай сайын 30 мың теңгеден аударып тұрады. Тағы бір гәп: СҚО әкімі МЖӘ нысандарының тізімін бекіту туралы шешімді 2019 жылғы 4 қазанда қабылдапты. Ал 3 балабақша бойынша тендер одан 2 ай бұрын, 14 тамызда өткізіп қойылған. Сол себепті жергілікті жұртшылық «балабақшалар билікке жақын адамдарға мол ақша табу үшін берілді» деген ой білдіреді.
Елдос СЕНБАЙ
