Ақша қайда, Bek Air?
Ақша қайда, Bek Air?
Әуе апатынан кейін жұмысы уақытша тоқтатылған Bek Air компаниясы жолаушыларына күшін жойған билеттерінің құнын қайтаруға асығар емес.
Bek Air компаниясы өкілдері: «Жолаушылардың 10 қаңтарға дейін билет құнын толығымен қайтарып алуға немесе басқа әуекомпанияларының қызме­тіне алмастыруға мүмкіндіктері бар» деген болатын. Бұл мүм­кіндікті пайдаланбай, қаражатты қайтып алғысы келген жолау­шылар Bek Air компаниясына байла­ныс­ты өз шағымдарын айта бас­та­ды. Мысалы, Нұр-Сұл­тан қа­ла­сының тұрғыны Са­қып Құ­сайынова: «Ұлым мен келінім 2019 жылдың 27 желтоқ­санында Атыраудан Нұр-Сұл­танға ұшып келіп, 12 қаңтарда кері қайтпақ болған еді. Олар билетті интер­нет арқылы сатып алған, билет­тің құны 93 мың теңгесін әлі күнге дейін қайтарып ала алмай жүр», – дейді.
Жолаушылар кәсіпорынның қолдау қызметі мен билеттерді сатып алған онлайн ресурстарға, call-орталықтарға хабарласса да, еш нәтиже шықпай отырғанын айтады. Ал әлеуметтік желідегі пікірлерді әуетасымалдаушы әдейілеп өшіреді екен. Bek Air әуе­компаниясынан билет сатып алып, құнын қайтара алмағандар Telegram-да арнайы чат та аш­қан. Мұнда 50-ден астам адам бар. Олардың бірі әуекомпа­ния­сының call-орталығы жауап бер­ген ха­барламасын салған. Онда кәсіпо­рын билет құнын қайтара алмай­тыны, әуекомпа­ниясының шо­тын­да ақша жоқ екені жазыл­ған. Ал қаражат рейс­тер жаңар­тыл­ғанда ғана болады делінген. Осы жағдайдан хабардар Аза­мат­тық авиация комитетінің қыз­меткер­лері: «Егер билет құнын қайтар­маған жағдай туындаса, тұрғы­лықты жеріңіздегі сотқа ша­ғым берген жөн. Өйткені әр жолаушы билет алып, ол рейс болмаса, ақшасын қайтарып алуға құқылы» деген­нен басқа сөз айта алмады.   Әдебиет БЕЛГІБАЙҰЛЫ