«Қазақмыстың» Жезқазған мыс балқыту зауытындағы өрт туралы хабарлама 27 мамырда, сағат 08:53-те түскен. Балқыту цехында шамамен 100 шаршы метр аумақта трансформатор мен төгілген май жанған. Қайтыс болғандар мен зардап шеккендер жоқ.
ТЖМ ресми өкілі Талғат Уәли: «Балқыту цехында өндіріс процесі уақытша тоқтатылды. Өртті ТЖД-дан 26 адам және 7 бірлік техника, сонымен қатар «Серіктестің» 13 қызметкері 3 техниканың көмегімен сөндірді», – деді.
