Солтүстік Қазақстан облысының Тайынша ауданына қарасты Ильич ауылының тұрғындары «Nur Otan» партиясының аудандық филиалына медициналық пунктке күрделі жөндеу жұмыстарын жүргізу керегін айтып хабарласты. Медициналық мекеменің ескі ғимаратының әбден тозығы жетіп, талаптарға сай келмей қалған.
400-ден астам ауыл тұрғынын толғандырған бұл мәселе партиялықтар мен ауыл кәсіпкерлерінің арқасында шешімін тапты. Фельдшерлік-акушерлік пункт жөндеу жұмыстары жүргізілген ғимаратқа көшіп, онда ем-шара кабинеті, ана мен бала кабинеті, күндізгі стационар сияқты көптеген орындар жұмыс істейді. Сондай-ақ медициналық пунктке дәрі-дәрмектер мен оны сақтауға арналған жаңа тоңазытқыш сыйға берілді. Айта кетсек, қазіргі уақытта өңірлерде, әсіресе ауылдық жерлерде медициналық ұйымдардың инфрақұрылымын жақсарту үшін бақылауды қамтамасыз ету шаралары қарастырылып жатыр. Денсаулық сақтау – «Nur Otan» партиясының сайлауалды бағдарламасының маңызды блоктарының бірі. Сайлауалды уәделерді іске асыру жөніндегі «Жол картасының» 362 индикаторының 23-і осыған арналған. Мәселен, 2023 жылға қарай дәрігерлердің жалақысын кемінде ол 550 000 теңге, орта медициналық персоналдың жалақысы кемінде 190 000 теңге болатындай 2,5 есе ұлғайту, ал денсаулық сақтауды қаржыландыру көлемін барлық көздерден ЖІӨ-нің 5%-ына дейін жеткізу міндеті қойылып отыр.Әбілмансұр ЖАСАН