Самарқанд облысының Пайарык ауданында әйелін кетпенмен өлгенше сабаған тұрғын 18 жылға сотталды. Бұл туралы Өзбекстанның Жоғарғы сотының баспасөз қызметі мәлімдеді.
Ақпаратқа қарағанда, ерлі-зайыпты үйдің жөндеу жұмыстары ұзаққа созылып кеткеніне байланысты ұрысып қалған. Ұрыс кезінде әйелі кетпеннің сабымен күйеуінің иығынан итеріп жіберген. Оған намыстанған күйеуі кетпенді тартып алып, әйелін есінен танғанша ұрған.
Осыдан кейін қайын атасының үйінде тұрып жатқан 30 жастағы тұрғын қашып кеткен. Әйелдің туыстары оны ауруханаға жеткізген. Бірақ ол есін жимастан көз жұмды.
Көп өтпей, марқұмның күйеуі ішкі істер бөліміне өзі барып, әйелін сабағанын мойнына алған. Аудандық сот оны әйелінің өліміне кінәлі деп танып, 18 жылға бас бостандығынан айырды.
