Әлеуметтік желіде видеосы таралып жатқан "Жемқорлыққа қарсы іс-қимыл агенттігі қызметкеріне" қатысты ҚР Сыбайлас жемқорлыққа қарсы іс-қимыл агенттігі түсініктеме берді, - деп хабарлайды Zakon.kz.
Агенттіктің хабарлауынша, аталған адам ешқашан Антикор қызметкері болған емес және алдағы уақытта да болмайды.
Ағымдағы жылдың 2 маусымында бұл Шымкент қаласының тұрғыны, азамат Қ. екені анықталды. Қазіргі уақытта оған қатысты Қазақстан Республикасы Қылмыстық кодексінің 385-бабының 3-бөлігі (құжаттарды қолдан жасау) бойынша қылмыстық іс қозғалды.