«Nur Otan» партиясының Бөрлі аудандық қоғамдық қабылдау бөлмесіне Батыс Қазақстан облысы Ақсай қаласының тұрғыны 30-бағыттағы автобустың санын көбейтуді сұрап хабарласты. Өйткені автобусқа адамдар сыймай қалып, келесі автобусты бірнеше сағат күтуге мәжбүр болып жүр. Көліктік компаниялары алдында осы мәселені көтерген Бөрлі аудандық мәслихатының депутаты Нұрия Муфтееваның араласуынан кейін аталған бағытқа қосымша автобустар берілді.
Сонымен қатар Сырым аудандық мәслихатының депутаты Шынар Дүйсенғалиеваға Түрікменстан Республикасының тумасы, зейнеткер жүгініп, тұрғылықты мекенжайға тіркелу мәселесі бойынша көмек сұрады. Бұл кісі денсаулығына байланысты шетелдерге шыға алмайды. Қазір Қазақстанда туыстарымен тұратын Роза Тұрлыбекова зейнетақы рәсімдей алмай жүр. Мәселені шешу үшін «Nur Otan» депутаты Нұр-Сұлтан қаласына арнайы барып, Түрікменстан Республикасының елшілігіне хабарласып, құжаттарды алып, оларды аудандық көші-қон полициясында рәсімдеді. 13 мамыр күні өтініш берушінің барлық құжаттарына қол қойылып, аудандық көші-қон полициясында тіркелді. Қалалық филиалдың қоғамдық қабылдау бөлмесіне «Бикард» ҒӨ-да 1991 жылдан 1994 жылға дейін жұмыс істеген Орал қаласының тұрғындары хабарласты. Бұл кісілер еңбек кітапшасында ҚазССР мөрі басылғанына байланысты 4 жылы еңбек өтілі ретінде есептелмеген. Олар осында жұмыс істеген жылдарын растайтын анықтама алуға көмектесуді сұрады. Бұл мәселені қалалық мәслихат депутаты Светлана Бахишева шешуге көмектесті. Жалпы, 2021 жылдың басынан бері БҚО-ның қоғамдық қабылдау бөлмесіне 1 949 өтініш келіп түсті, оның 38%-ы оң шешімін тапты, 61%-ына түсініктеме берілді және 1%-ы орындалып жатыр.Әбілмансұр ЖАСАН