Егістік алқабына жұмысқа кеткен қыз із-түзсіз жоғалды

Жетісай аудандық полиция бөліміне ауыл тұрғыны 20 жастағы қызы таңертең егістік алқабына жұмыс істеуге кетіп, 2 күннен бері табылмай жатқанын айтып арызданған.

Полицейлер қызды күндіз-түні іздеп тапты. Бойжеткен Алматы қаласынан аман-есен табылды. Полицейлер оны отбасына кері қайтарды.

Жоғалған қыз ауылдағы табысын азсынып, Алматыға жұмысқа кеткен. Онда пәтер жалдап, дәмханаға жұмысқа орналасқан.

Ата-анасы өзге қалаға кетуге рұқсат бермейтінін ойлаған бойжеткен оларға хабар бермеген.

Бұған дейін Алматыда 19 жастағы студент қыз жоғалып, жалдамалы пәтерден басы табылғанын жазған болатынбыз.

Aikyn.kz | Бүгінгі жаңалықтар. Әлем және Қазақстан жаңалықтары.