Қазақстандық теннисші Словакияда өтіп жатқан турнирдің финалына шықты
Қазақстандық теннисші Словакияда өтіп жатқан турнирдің финалына шықты
Қазақстандық Александр Недовесов жұптық сында Братислава (Словакия) челленджер турнирінің финалына шықты. Қазақстандық теннисші украиналық Денис Молчановпен бірге жартылай финалда бразилиялықтар Орландо Луж – Рафаэль Матоспен кездесті. Жарыстың 1-ракеткасы болып тіркелген қазақстандық-украиналық жұп 6:4, 6:4 есебімен екі сетте жеңіске жетті. Матч 1 сағаттан астам уақытқа созылды. А.Недовесов пен Д.Молчанов финалда нидерландылық Сандер Арендс – венесуэлалық Луис-Давид Мартинеспен бас жүлдені сарапқа салады. Бұл жұп жартылай финалда тунистік Малик Жазири – словениялық Блаж Роланы 6:4, 6:1 есебімен қапы қалдырды.