Токио Олимпиадасына каратэден 5 спортшы қатысады

Olympic.kz-тің хабарлауынша, Қазақстаннан Софья Берульцева (+75 келі) мен Данияр Юлдашев (+61 келі) жолдамаға ие болды.

Осылайша, каратэден Қазақстан құрамасында Токио Олимпиадасына 5 жолдама бар. Жолдаманы бірінші Дархан Асаділов иеленді. Ол рейтингіде қарсыласынан 1000 ұпай алда болғандықтан, лицензияны мерзімінен бұрын алды. Мөлдір Жаңбырбай (50 келі) мен Нұрқанат Әжіқанов (75 келі) жолдаманы Парижде өткен лицензиялық жарыста жеңіп алды.

Олимпиада ойындарында каратэден жарыстар 6-8 тамыз күндері өтеді. Токио Олимпиадасына барлығы 34 елден 82 каратэші (40 әйел және 42 ер адам) қатысады. Жалпы, Қазақстан спортшыларында 26 спорт түрінен 72 жолдама бар.

Aikyn.kz | Бүгінгі жаңалықтар. Әлем және Қазақстан жаңалықтары.