Ақтөбе қаласында екі автокөлік соқтығысып, салдарынан 40 жастағы жолаушы көз жұмды.
Қайғылы оқиға 18 маусым күні кешкі 19:20-да болды, - деп хабарлайды облыстық полиция департаментінің баспасөз қызметі.
Оқиға Ақтөбе қаласының Сүт зауыты ауданында болды. Toyota Hilux көлігінің жүргізушісі көпірде ВАЗ-2107 көлігімен соқтығысты. Салдарынан ВАЗ-2107 маркалы автокөлігінің 40 жастағы жолаушысы алған дене жарақаттарынан оқиға орнында қаза болды.
"Сотқа дейінгі тергеп-тексеру үшін куәгерлерді, оқиғаны көрген адамдар келесі телефон нөмірлеріне хабарласуын сұраймыз. Байланыс телефондары: 93-64-04, 8-775-832-07-98, 8-705-970-80-48 немесе Ақтөбе облысы ПД АБ №404 қызметтік кабинетіне алып келу қажет»,– деді облыстық ПД баспасөз қызметінің жетекшісі Ерболат Сарқұлов.
