Былтырғы дағдарыс соңғы 100 жылда болмаған – Асқар Мамин

2020 жыл – халықаралық сарапшылардың айтуынша, соңғы 100 жылда болмаған ең ауыр дағдарыс кезеңі болды.

«Тұңғыш Президент – Елбасы Нұрсұлтан Әбішұлы Назарбаевтың стратегиялық бағытына және Мемлекет басшысы Қасым-Жомарт Кемелұлы Тоқаев белгілеген міндеттерге сәйкес Үкімет елдің әлеуметтік-экономикалық тұрақтылығын қамтамасыз ету бойынша Парламентпен бірлесіп, тиімді жұмыс жүргізуде. 2020 жыл – халықаралық сарапшылардың бағалауы бойынша, соңғы 100 жылдағы ең үлкен дағдарыс кезеңі болды. Коронавирус пандемиясы әлемдік экономиканың даму жағдайын және оның құрылымын түбегейлі өзгертті. Сонымен қатар жаңа әлеуметтік-экономикалық үрдістер қалыптасты», – деді Үкімет басшысы.

Оның айтуынша, Үкімет Парламентпен бірлесіп, дағдарыс кезінде ел үшін аса маңызды шешімдерді дер кезінде қабылдады.

«Парламенттің қос палатасының барлық депутаттарына сындарлы және нәтижелі жұмыс үшін алғыс айтамын. Ауқымды және уақытылы қолдау шараларын, сондай-ақ контрциклді макроэкономикалық саясатты іске асыру 2020 жылы Қазақстан экономикасының төмендеуін 2,6 пайызға дейін, ал негізгі капиталға инвестицияның азаюын 3,4 пайызға шектеуге мүмкіндік берді», – деді Асқар Мамин.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.