Үй салудан ТМД елдері арасында 1-орындамыз – Үкімет басшысы

Бұл туралы Парламент палаталарының бірлескен отырысында Премьер-министр Асқар Мамин айтты.

«Күрделі жағдайда шынайы сектор Қазақстан экономикасы тұрақтылығының негізгі факторына айналды. Әлемдік және өңірлік экономикалардағы белгісіздікке қарамастан өңдеуші сала 3,9 пайыз деңгейінде өсім көрсетті. 2004 жылдан бері алғаш рет жалпы ішкі өнімдегі өңдеуші өнеркәсіптің үлесі тау-кен өндіру өнеркәсібі үлесінен асып түсті», – деді Асқар Мамин.

Оның айтуынша, фармацевтика өндірісі – 47 пайыз, дайын металл бұйымдар көлемі 20 пайызға өсті. Машина жасау – 16 пайыз, оның ішінде, автомобиль жасау – 53 пайыз, вагондар мен локомативтер жасау 39 пайызға көбейді. Алайда тау-кен өндіру секторында өсім қарқыны баяулады, – деп жазады inform.kz.

«Елімізде тұрғын үй пайдалануға беру 16,8 пайызға артып, 15,3 млн шаршы метрге жетті. Қазақстан ТМД елдері арасында бір адамға 0,81 шаршы метр жаңа баспананы пайдалануға беру арқылы бірінші орынға шықты», – деді Асқар Мамин.

Бұған дейін Үкімет басшысы дағдарыстан шығу үшін шұғыл шешімдер қабылданғанын айтқан болатын.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.