Көп табыс табу үшін Қазақстанның қай өңірінде тұру керек?

ақша, теңге
Фото: Асқар Ахметуллин

Биыл бірінші тоқсандағы халықтың жан басына шаққандағы орташа табысы 196,5 мың теңге болды. Былтыр осы кезеңдегі табыспен салыстырғанда халықтың табысы 10,8% өскен. Aikyn.kz Қазақстан өңірлеріндегі халықтың орташа табысы қанша екенін анықтады.

Ұлттық статистика бюросының мәліметінше, елде ең көп табысты астаналықтар табады. 2021 жылдың бірінші тоқсанында жан басына шаққанда Нұр-Сұлтандағы орташа табыс 275,9 мың теңге болды. Екінші орында Алматы – 246,8 мың теңге. Ал Қарағандыдағы орташа табыс Алматыдан сәл азғантай – 246 мың теңге.

Ең аз табыс Түркістан облысының тұрғындарында тіркелді. Онда жан басына шаққандағы орташа табыс – 121,8 мың теңге. Оны Қазақстандағы орташа табыспен салыстырғанда 20%-ға аз.

орташа табыс, Қазақстан
Дереккөз: Ұлттық статистика бюросы

Биыл қалада тұратын халықтың орташа табысы 9,9% өсіп, 221,3 мың теңгеге жетсе, ауыл тұрғындарының орташа табысы 12,1% өсіп, 160,6 мың теңгеге дейін жеткен.

Дегенмен қала мен ауыл тұрғындарының ақшалай табысы арасындағы айырмашылық 2020 жылдың бірінші тоқсанында 40,4% болса, 2021 жылы 37,7%-ға қысқарды.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.