Сәтбаев қаласындағы оқиғаға қатысты сот үкімі шықты

Қарағанды облысының МАҚС баспасөз қызметі хабарлағандай, сотталушылар ҚР ҚК-нің 120-бабы 4-бөлігі, 121-бабы 4-бөлігі, 106-бабы 2-бөлігі 3, 5, 11-тармақтары бойынша айыпталуда. Аталған баптар бойынша ерлі-зайыптылар Пр. және П. сотқа берілді. Іс Қарағанды облысының қылмыстық істер жөніндегі мамандандырылған ауданаралық сотында қаралды.

«2020 жылдың 23 шілдесінде мас күйде болған Г. есімді азамат өз үйінің кіреберісінде зардап шегуші кішкентай қызды кездестіріп, оны ұстап алып, пәтеріне кіргізген. Содан кейін Г. көршісі Пр.-ды шақырып, зорлық-зомбылық жасауды ұсынған. Соңғысы келісімін берген. Содан кейін олар сотталушы Пр.-дың жұбайы П.-ны шақырған. Ол екі ер адамның қылмыстық ниетін біле тұра, балаға анықталмаған затпен инъекция еккен. Қыз бала есін жоғалта бастаған. Бұдан әрі Г. және ерлі-зайыптылар жас балаға зорлау және жыныстық сипаттағы зорлық-зомбылық әрекеттерін жасады.

Сараптама қорытындысына сәйкес, жәбірленушінің психикалық денсаулығына ауыр зиян келтірілді. Дауыс беру нәтижелері бойынша алқабилер Пр. және П.-ны айыптаудың барлық баптары бойынша кінәлі деп тапты. Пр.-дың әрекетін ауырлататын жағдай – қылмысты мас күйде жасау. Жазаны жеңілдететін ешқандай себеп жоқ. Сондықтан оған жазаны қауіпсіздігі төтенше мекемеде өтеу, өмір бойына бас бостандығынан айыру тағайындалды. Бұл ретте мерзімнің алғашқы 5 жылы толық қауіпсіздік мекемесінде өтелуі керек», – деп мәлімдеді сот.

Екінші айыпталушыға келетін болсақ, заңда әйелдерге өмір бойына бас бостандығынан айыруды тағайындауға тыйым салынған (ҚК-нің 46-бабы). Сондықтан сотталушы П.-ға қылмысы бойынша 22 жылға бас бостандығынан айыру жазасы тағайындалды. Оған өмір бойына педагогикалық лауазымдарды және кәмелетке толмағандармен жұмыс істеуге байланысты қызметтерді атқаруға тыйым салынды.

Үкім заңды күшіне енген жоқ.

Ал күдіктілердің бірі Г. тергеу кезінде суицид жасаған болатын. Оған қатысты іс тоқтатылды және сотта қаралған жоқ.

Бұған дейін Сәтбаевтағы оқиға туралы жазған болатынбыз.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.