«Адвокатпын» деп алдап, 4 миллион теңгеден астам ақшаны алып кеткен алаяқ ұсталды  

Алаяқ қарағандылықтардан төрт миллионнан астам ақша үптеп кетті, – деп хабарлайды Polisia.kz.

Биыл 3 мамыр күні Қарағанды қалалық Полиция басқармасына қарасты Октябрь полиция бөліміне 39 жастағы қала тұрғыны арызданды.

Полиция қызметкерлеріне ол белгісіз азаматтан алданып қалғанын айтқан. Жәбірленушіге шұғыл түрде адвокат керек болған.

Сұрастыру барысында «шаруасын шешіп беруге көмектесемін» деген адвокат тапқан. Алғашында жәбірленушіге көмектесемін деген «адвокат» алдын ала төлемақы алған. Одан кейін «қажет болып жатыр» деген желеумен тағы да қомақты ақша алған.

Жәбірленуші бас-аяғы өзіне қажетті адвокатқа 4 миллион 425 мың ақша берген. Алайда осыншама қаражатты алған «адвокат» жәбірленушінің бірде-бір шаруасын шешпеген.

Уақыт өте күдік тудырған ер адам мүлдем қоңырауға жауап бермей хабарсыз кеткен. Сонда ғана жәбірленуші алаяқтың арбауына түскенін сезіп, полицияға шағымданған.

Аталған факті бойынша қылмыстық іс қозғалды. Полицейлер 23 маусым күні осы іске қатысы бар деген күдікпен 39 жастағы қала тұрғынын ұстады. Тергеу жалғасып жатыр.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.