Әлемде спортты отбасылық өнерге айналдырғандар көп. Әсіресе, бір күнде, бір сағатта туған егіз спортшыларға жұртшылықтың ықыласы ерекше ауатыны бар. Өнерінен бөлек, бір-бірінің жетістіктерін, артықшылықтарын салыстыратындар да жетіп- артылады. Біздің елімізде де спорт сахнасында жүрген егіздер баршылық. Кейбірін жете танысақ, енді бірін көп ести бермейміз. Ендеше солардың бір- қатарына тоқталайық.
Бокс әлемінде ағайынды Геннадий мен Максим Головкиндер бар екенін былайғы жұрт жақсы біледі. Сол егіздердің бірі Генамыз әлдеқашан әлемдік спортшыға айналып үлгерді. Ал ел намысын халықаралық аренада абыроймен қорғап жүрген қос батыр – Айбек пен Нұрбек Оралбайлар алдыңғы буын ағаларының жетістіктерін қайталауды, жаңартуды мақсат тұтып жүрген спортшылар десе де болады. Нұрбек 81 келіге дейінгі салмақта, Айбек 91 келіде сынға түсіп жүр. Қос боксшының талабы таудай. 2018 жылы Айбек Оралбай жасөспірімдер Олимпиадасының чемпионы атанса, Нұрбек Оралбай Жастар арасындағы Әлем біріншілігінің жеңімпазы болды. Екеуінің де басты мақсаттары – Олимпиада чемпионы болу. Одан бөлек, Саматәлі мен Санатәлі Төлтаевтар да бокста жүрген талантты егіз спортшыларымыздың бірі саналады.Синхронды жүзу спортынан Александра және Екатерина Немичтердің өнері жоғары бағаланады. Екеуі 2013 жылдан бері халықаралық додаларда дуэт ретінде ел намысын қорғап келеді. Егіздер 1995 жылы 3 қаңтарда дүниеге келген. Ұлттық олимпиадалық комитетінің сайтына берген сұхбатында олардың бірі кішкентайынан белсенді, жан-жақты болғанын айтыпты.Саматәлі мен Санатәлі 1999 жылы 11 қарашада дүниеге келген. Бүгінде былғары қолғап шеберлері Маңғыстау облысының атынан республикалық жарыстарға қатысып, халықаралық додада ел намысын абыроймен қорғап жүр. Қос боксшы жасөспірімдер мен жастар арасында бақ сынаған барлық дүбірлі додада топ жарып, ересектер арасында да сенім үдесінен шыға білді. Қазақстан чемпионаты мен Қазақстан спартакиадасында жеңіс тұғырынан көрініп, Қазақстанның халықаралық дәрежедегі спорт шебері атағын алды.
Одан бөлек, бозкілемде белдесетін егіз балуандар қатарында 1992 жылы дүниеге келген Бағлан мен Қорлан Жақанша бар. Бұл спорт түрімен 9 жасынан бастап айналысқан. Отбасында әкесі күреспен шұғылданып, бапкерлік қызметте жүргеннен кейін балаларын спортқа баулыған. Екеуі де әкелерінің арқасында бүгінде білікті балуандарға айналды.– Бала күнімізде екеуміз бір-бірімізден аумайтынбыз. Уақыт өте келе, өскен сайын ерекшеліктеріміз, айырмашылықтарымыз айқындалып келеді. Мәселен, Екатеринаның бетінде көп қал бар. Бізді кішкентай кезімізде соған қарап ажырататын. Әрине, басқа да егіздер сияқты біріміз сабырлы болсақ, екіншіміз тынымсызбыз. Біріміз пысықпыз, ал енді біріміз бостаумыз. Меніңше, бұл егіздерде кездесетін қалыпты жайт. Ал егер визуальды қарайтын болсақ, екеуміз бірдейміз. Шаштарымыз, қол-аяқтарымызда айырмашылық жоқ. Бір қызығы, мақсат пен жоспарларымыз, өмірлік ұстанымздарымыз да бірдей. Тіпті, бірдей тағамдарды ұнатамыз, – дейді Александра Немич.
Әйелдер күресінен Қазақстан құрамасының мүшелері Мадина мен Жамиля Бақбергеновалар бар. 1996 жылы Алматы облысы Ұзынағаш ауданында дүниеге келген егіздер спортпен 14 жасынан бастап шұғылданған. Бір қызығы, алғашында олар 2 жыл таэквондо үйірмесіне барған. Кейін бұл үйірме жабылған соң олар да таэквондоға баруды қояды. Оқушы күнінде екеуі де бұзық болғандықтан әпкесі Мадина мен Жамиляны күрес спортына жетелеп апарады. Анасы қарсы болғанымен, әкесі қос қызын қолдап, бұл спорт түрімен айналысуға рұқсатын береді. Ал оның нәтижесін күрес жанкүйерлері жақсы біледі.Дзюдошы Ғұсман мен Ғұмар Қырғызбаевтарды күрес жанкүйерлері жақсы біледі. Егіз балуандар 1992 жылы 28 қыркүйекте қазіргі Түркістан облысына қарасты Ордабасы ауданында дүниеге келген. Ғұсман Қырғызбаев – дзюдодан ұлттық құрама үздігі. Сонымен бірге, ол - халықаралық Дзюдо федерациясының рейтингінде үздік 10 спортшының қатарында. Жақында Токио Олимпиадасына жолдама алды. Сыңары Ғұмар Қырғызбаев – Еуропа кубогының қола жүлдегері.
Мінеки, біздің назарымызға іліккен егіз спортшылар қатары осындай болды. Алдағы уақытта ел спортында атой салып жүрген ағайынды спортшыларды атап өтпекпіз.Өзге спорт түрлері секілді футболда да егіз спортшыларымыз бар. Олардың ішінде Покатиловтардың жұлдызы жоғары. Стас Қазақстан ұлттық құрамасының және алматылық «Қайраттың» негізгі қақпашысы болса, Владимир оралдық «Ақжайық» клубында сәтті өнер көрсетіп жүр. Алаңдағы орны – қорғаушы. Ал бокста Головкиндерден бөлек, Жанат пен Азамат Жақияновтарды ерекше атап өтуге болады. Бір сөзбен айтқанда, Қазақстанда егіздер мен ағайынды спортшылар көп. Жуырда ғана 24 келіге дейінгі салмақ дәрежесінде бірінші орын үшін финалдық бәсекеге шыққан егіз Айя мен Сая Кенжеғалилардың әрекеті де көпті сүйсіндірген болатын. Екі спортшы төбелесуден бас тартып, «тас, қайшы, қағаз» ойыны арқылы жеңімпазды анықтады. Нәтижесінде, Айя жеңіске жетіп, алтын медаль алды. Ал Сая күміс медаль иегері атанды. Егіз спортшылардың финалға дейін сүрінбей жетіп, ұтымды шешім қабылдағанын жұртшылық таласа айтып жүр.
Абылайхан ЖҰМАШ