Төтенше жағдайлар департаментінің мәліметінше, оқиға 1 шілдеде сағат 19.30-да Ғ.Мүсірепов ауданы Нежинка елдімекенінде болған.
Есіл өзенінде немересін құтқармақ болған 1951 жылы туған ер адам суға батып кетті.
Суға батып кеткен ер адамды құтқарушылар шұғыл іздеді. Қараңғы түскенше іздегенімен, нәтижесіз болды. Іздестіру бүгін таңертең қайта жалғасты. СҚО ТЖД жедел-құтқару жасағы тобының Петропавлдан келген 10 сүңгуірі қосылды.
Суға кеткен ер адам Новоишимское елдімекенінің таксопаркінде такси жүргізушісі болып жұмыс істеген екен. Оқиғадан бір күн бұрын ол тапсырыс алып, жолаушыны 1 шілдеде Бірлік ауылына апарған. Өзімен бірге 7 жастағы немересі болған. Кері қайтып келе жатып, ол Бірлік және Нежинка елдімекендерін жалғайтын Есіл өзеніндегі көпірге жақын жерде машинаны жуу үшін тоқтаған. Жағада жүрген немересінің суға құлағанын, оны қатты ағыс алып кетіп бара жатқанын байқаған.
