Шетелдіктер көбінесе жеке адамдардың үй шаруасына жегілген. Облыстық Полиция департаментінің мәліметінше, бүгінде облыс аумағында 5815 шет ел азаматы және 255 азаматтығы жоқ адам тұрып жатыр.
Заң бойынша, шетелдік азаматты қабылдаған қазақстандық 3 күн ішінде көші-қон қызметіне хабарлауы тиіс. Бұған қоса, басқа елдің азаматының ел аумағында болу мерзімі аяқталып, ол оны ұзартпаса немесе елден кетпесе, өзі ғана емес, оны қабылдаған тарап та жауапқа тартылады. Жыл басынан бері 293 солтүстікқазақстандық осы талапты бұзған.219 шетелдік біздің елімізде болу ережесін бұзған. Ережені бірнеше рет бұзғаны үшін 24 шетелдік елден аластатылған.Жарты жыл ішінде 15 отандасымыз азаматтығын ауыстырғанын уақытында хабарламапты. Олар 30 күн ішінде шет ел азаматтығын алғанын хабарлап, қазақстандық құжаттарын тиісті органдарға тапсыруы тиіс.
Роза ШӘКЕН,
Солтүстік Қазақстан облысы