Валентина Матвиенко Елбасыны туған күнімен құттықтады
Валентина Матвиенко Елбасыны туған күнімен құттықтады
Фото: inbusiness.kz

Валентина Матвиенко Нұрсұлтан Назарбаевты туған күнімен және Елорда күнімен құттықтап, зор денсаулық пен жаңа белестерді бағындыра беруіне тілектестік білдірді. Бұл туралы elbasy.kz жазды.

Федерация кеңесінің төрағасы жауапты шешімдер қабылдап, көреген саясат ұстана білген Нұрсұлтан Назарбаев кең ауқымды реформалардың іргетасын қалағанын, өз елінің жүйелі дамуы мен халықтың әл-ауқатын арттыруды қамтамасыз еткенін, сондай-ақ Қазақстанның халықаралық беделін арттыруға ықпал еткенін атап өтті.

Елбасы Валентина Матвиенкоға жылы лебіздері үшін ризашылығын білдіріп, Қазақстан мен Ресейдің стратегиялық ынтымақтастық пен одақтастық қатынасы аясында екі ел арасында парламентаралық байланыстарды одан әрі нығайтудың маңыздылығын айтты.