Танымал әнші Төреғали Төреәлі желіде сиыр сауған видеосын жариялап, көпшілікті тәнті етті.
Төреғали Төреәлі аталмыш видеомен өзінің Instagram парақшасында бөлісті. Бейнежазбадан ауылда жүрген әншінің сиыр сауу әдісін көрсетіп жатқанын көруге болады. Өнер иесі алдымен жануарға шөп беріп, кейін бұзауын алып кетіп, оны сауа бастайды.
Желі қолданушылары эстрада жұлдызының қарапайымдылығына тәнті болып, оған деген жылы лебіздерін жаудырды. "Жарайсың, қазақтың қарапайым баласы", "Бәрі ауылдан шыққан ғой. Шыққан жерін ұмытпаған дұрыс", "Керемет көрініс. Жұлдыз болғанымен аса қарапайым екен", "Менің әкем де, жолдасым да, балам да сауады. Онда тұрған ештеңе жоқ. Жарайсың, Төреш", "Бұрын сізді өзінше деп ойлайтынмын. Енді қателескенімді түсініп жатырмын", "Ел алдында жұлдыз болып жүрсе де, қарапайымдылығын жоғалтпаған", - деген пікірлерді көруге болады
