Әлемнің бірінші ракеткасы серб Новак Джокович Уимблдонның финалдық кездесуінде 6:7 (4:6), 6:4, 6:4, 6:3 есебімен италиялық теннисші Маттео Берреттиниді жеңді.
Бұл сәттілік Новакқа мансабында алтыншы рет Уимблдон чемпионы болуға мүмкіндік берді. Осылайша, теннисші көрсеткіштері бойынша рекордшылар Роджер Федерер мен Рафаэль Надальмен теңескен «Үлкен дулыға» турнирлерінің 20 дүркін жеңімпазы атанды.Қуанышын бөліскен Джокович өз сөзінде Надаль мен Федерерді атап өтті.2021 жылы Джокович өзінің екі негізгі қарсыласын қуып жетіп, алғашқы үш үлкен турнирде жеңіске жетті. Ол алғашқы «Үлкен дулыға» титулын 2008 жылы Аустралияның ашық чемпионатында еншіледі. Сол жылы сербтен алты жас үлкен Федерер өзінің 20 атағының 12-сін алып үлгерген болатын.
«Кейінгі 10 жылым керемет өтті, мен мұнымен тоқтамаймын» деп қорытындылады ол. Әйгілі теннисші Роджер Федерер де Джоковичті Twitter-де жеңісімен құттықтады. Ал әйелдер арасындағы сында аустралиялық теннисші Эшли Барти жеңімпаз атанды. Ол финалды чехиялық теннисші Каролина Плишкованы 6:3, 6:7, 6:3 есебімен жеңді.«Мен Рафа мен Роджерге құрмет білдіргім келеді. Олар біздің спорттың аңыздары және мен бәсекеге түскен ең керемет ойыншылар»,– деді Джокович.
А.Жасанұлы