Биыл қазақ көп шоғырланған Моңғолияның Баян-Өлгей аумағында, Ресейдің Астрахан, Қырғыз елінің Бішкек қалаларында Abai Uii мәдени-іскерлік орталығы жобасы іске қосылатын болды. Бұл жоба шетелдегі қандастармен мәдени-гуманитарлық және іскерлік байланыстарды дамыту мақсатында жұмыс істейді.
Еске сала кетсек, былтыр Ақпарат және қоғамдық даму министрлігінің қолдауымен Abai Uii Ресейдің Омбы, Өзбекстанның Ташкент, Түркияның Стамбұл, Германияның Берлин, Украинаның Киев қалаларында ашылған болатын. Ал дүниежүзінде одан бөлек 250-ге жуық Қазақ мәдени орталығы бар. Оның шамамен 150-і белсенді жұмыс істеп тұр. Сонымен қатар әлемнің 12 елінде қандастарымызды ана тілінде оқытатын «қазақ тілі» сыныбы ашылған. Бейресми мәліметке сүйенсек, шетелде 5 миллионнан 7 миллионға дейін этникалық қазақ тұрады екен. Олардың нақты саны бойынша қазір зерттеу жұмыстары жүргізіліп жатыр.Оның айтуынша, бүгінде 70-тен астам орталықтың барлығымен байланыс орнатылып, арнайы меморандумдарға қол қойылған.– БҒМ қолдауымен шетелдегі ағайынды қазақ тілін оқыту бойынша бір әмбебап құрал әзірлеуде. Себебі латын, төте жазумен үйренген балалардың кирилше үйренуі өте қиын. Қандастарды ақпараттық қолдау орталығы – 1404. Оған кез келген бауырымыз хабарласып, көмек алса болады, – дейді «Отандастар қоры» КЕАҚ вице-президенті Мағауия Сарбасов.
Е.БОЛАТҰЛЫ