Дикий Арман лақап атымен танымал Арман Жұмагелдиевке ұқсайтын адамның ұсталғаны түсірілген видео Instagram-да жарияланған.
Видеода «Алиба Семский лақап атымен танымал тағы бір қылмыс әлемінің серкесі ұсталды» деген болжам айтылады.«Астанадағы элиталы мейрамханада отырған оларды арнайы жасақ полиция бөліміне алып кетті» делінген видеода.
Нұр-Сұлтан қалалық Полиция департаментінің баспасөз қызметінің өкілі видеоға қатысты пікір білдірді.
«Ойын-сауық мекемелерінің бірінде жедел профилактикалық және рейдтік іс-шаралар өткізу кезінде полиция қызметкерлері алты адамнан тұратын бір топ адамды ұстады. Барлығымен профилактикалық әңгіме жүргізілді. Полиция департаменті тұрақты негізде қылмыстың алдын алу және болдырмау мақсатында ойын-сауық мекемелерінде жедел профилактикалық және рейдтік іс-шаралар жүргізеді», – деді полицейлер.