Ақтөбеде жалған ПТР-тест анықтамасын жасаған ерлі-зайыптылар ұсталды, — деп хабарлады облыстық полиция департаментінің баспасөз қызметі.
Жайсаң шекара бекетінде Ресейге кетіп бара жатқан жүк көліктерінің жүргізушілеріне бір адам келіп, ПТР-тест анықтамасын жасай алатынын айтқан.
Ол жүргізушілердің мәліметтерін әйеліне (медициналық орталықтардың бірінің дәрігері) жібереді, әйелі жалған анықтама жасап, оны күйеуіне қайта жіберіп отырған.
"Сотқа дейінгі тергеу барысында жалған ПТР-тест анықтамасын қолданған 10 азамат анықталып, олардан жауап алынды. Аталған факті бойынша ҚР Қылмыстық кодексінің 385-бабы, 3-бөлігі, "Біле тұра жалған құжатты қолдану" бойынша тергеу амалдары жүргізіліп жатыр", — делінген хабарламада.
