Орта салмақтағы қазақстандық боксшы Жәнібек Әлімханұлы өз санатындағы әлем чемпионы титулы үшін тағы да айқасуға дайын екенін мәлімдеді.
Жәнібек Бүкіләлемдік бокс ұйымының (WBO) президенті Франсиско Валькарсель және Бүкіләлемдік бокс кеңесінің басшысы Маурисио Сулейманнан титулды айқас ұйымдастырып беруін сұрады.
"Чемпиондық жекпе-жек қалаймын. WBO рейтингінде екіншімін. Мунгия – рейтингте бірінші. Ол менімен жұдырықтасуға келіспейтінін білемін. Өйткені нокаутқа түсіретінімді біледі. Андраде? Ол қайда? Маған WBO титулы керек", – деп жазады Әлімханұлы Твиттер желісінде.
https://twitter.com/qazaqstyle/status/1416952246412005377?s=20
Қазіргі кезде орта салмақта Джермалл Чарло (WBC) мен Деметриус Андраде (WBO), қазақстандық Геннадий Головкин (IBF, IBO) мен Жапония өкілі Риота Мурата (WBA Super) әлем чемпиондары болып саналады.
