Су добынан Қазақстан құрамасы Токиода өтіп жатқан Олимпиада ойындарының бірінші ойынында ойсырай жеңілді. Топтық кезеңдегі алғашқы ойынды қазақстандықтар Хорватияға қарсы өткізген болатын. Кездесу 7:23 есебімен қарсылас пайдасына шешілді. Енді Қазақстан құрамасы келесі кездесуін Сербия құрамасына қарсы өткізеді. Бұл ойын 27 шілде күні Нұр-Сұлтан уақытымен 11:00-де басталады.