Павлодар облыстық төтенше жағдайлар департаментінің мәліметінше, бүгін сағат 17:57-де Успен көпірі аймағында өрт шыққан, — деп хабарлайды Pavlodarnews.kz.
- Екі жүк көлігі мен бір жеңіл автокөліктің соқтығысуы салдарынан Mercedes жүк көлігінің кабинасы толық, Volvo-ның кабинасы түгелдей, ал тіркемесі жартылай жанып кетті, делінген хабарламада.Жалпы ауданы 40 кв.м болатын 10 дана кабельдік катушкалар өртенді. Сонымен қатар, ауданы 30 ш.м құрайтын жанар-жағармай төгілген. Оқыс оқиға салдарынан Volvo жүк көлігінің 1974 жылы туған жүргізушісін жедел жәрдем бригадасы Павлодар қалалық №1 ауруханасына жеткізді. Ал қақтығыс салдарынан шыққан өртті мамандар сағат 18:32 ауыздықтады. Қазіргі таңда жол көлік оқиғасының себебі мен келтірілген шығын көлемі анықталуда. Оқыс оқиға орын алған жерде облыстық төтенше жағдайлар департаментінің 3 техникасы мен 18 адам жұмыс істеді.