Алматы қаласының бас санитар дәрігері Жандарбек Бекшиннің карантин туралы жаңа қаулысы шықты. Қаулыға сәйкес, қалада 2 тамыздан бастап жаңа шектеу шаралары енгізіледі. Олар кем дегенде 16 тамызға дейін әрекет етеді. Жаңа қаулыда кәсіпкерлік нысандарына Ashyq жобасын енгізу туралы талаптар көзделген.
Эпидемиологиялық жағдайдың "қоңыр-қызыл" аймағына сәйкес келетін Ashyq жобасына қатысатын әлеуметтік экономикалық нысандар кызметiн шектеу:- меншiк нысанына карамастан, Ashyq жобасына қатыспайтын барлық кәсіпорын мен ұйым қызметін тоқтата тұру;
- орталық мемлекеттік органдар, әкiмшiлiктер, құқық қорғау органдары, денсаулық сақтау ұйымдары, БАҚ, азық-түлік дүкендері (супер-гипермаркеттер, азық-түлік дүкендері, минимаркеттер, зоодүкендер);
- дәріханалар және өмір сүрудi қамтамасыз ететін ұйымдары;
- құрылыс жұмыстары, өндiрiстiк ұйымдар;
- байланыссыз қызметтер (автожуу, автомобиль, тұрмыстық техника, сағат, телефон, компьютер, аяқ-киім жөндеу, тігін ательесі, кір жуу, киім тазалау, кілт дайындау, тұрмыстық қызмет көрсету түрі және басқа);
- гүл дүкендері, фотосалондар, туристік компаниялар, бизнес орталықтары;
- бөлек кызмет түрлері (сақтандыру компаниялары, адвокат, нотариус, бухгалтер және консалтинг қызметтері, жылжымайтын мүлік, жарнама агентіктері, сот орындаушылары, ақша айырбастау орындары, ломбардтар, банктер, "Қазпошта" АҚ бөлімшелері т.с.с.);
- қоғамдық тамақтану нысандары тек алып шығуға және жеткізуге;
- ойын-сауық, спорттық және басқа да бұқаралық іс-шараларды, сондай-ақ отбасылық, естелік іс-шараларды өткізуге тыйым салу;
- мемлекеттік органдардың (ұйымдардың), офистердiң, ұлттық компания және ұйым қызметкерлерінің 80 пайызы үшін қашықтан жұмыс істеу режимін сақтау (вакцина алған және соңғы 3 айда коронавирус жұқтырып ауырған).