«Nur Otan» партиясының Павлодар облыстық филиалында Екінші Павлодар шағынауданының проблемалық мәселелерін шешу бойынша жедел штабтың төртінші отырысы өтті.
Штаб отырысына Павлодар қаласының әкімі Асайын Байханов, «Nur Otan» партиясының Павлодар облыстық филиалының ҚКП мүшелері, облыстық, қалалық мәслихаттардың депутаттары, сарапшылар, шағынауданның тұрғындары және «Алвис» ЖШС мердігерлік ұйымының өкілдері қатысты. Екінші Павлодар шағынауданындағы мәселелер туралы Павлодар қаласының әкімі Асайын Байханов айтып берді. Қала басшысының айтуынша, осы аптада Павлодар қаласы әкімінің орынбасары Хасар Хабылбеков ТКШ бөлімімен, мердігерлермен және «Коммун-Сервис» бөлімімен бірлесіп, Геринг көшесіндегі кәріз коллекторының учаскесіне барды. Тексеру барысында осы учаскеде судың көтерілуі байқалды. Жағдайды түсіну үшін учаскеде қазу жұмыстарын жүргізу керегін айтты. Қазу жұмыстарынан кейін проблемалық аймақтағы құбырларды жөндеу немесе ауыстыру қажеті туралы түсінік пайда болады. – Процесс жүріп жатыр және жұмыс бір күнге де тоқтаған жоқ. Әкімдік кәріз желілерін тексеруге арналған арнайы жабдықтары бар ірі компанияларды тартпақ. Екінші Павлодардың жағдайы менің жеке бақылауымда болады, – деді Асайын Байханов. Отырыс барысында қала әкімі «Nur Otan» партиясы Павлодар облыстық филиалы жанындағы облыстық штабты партияның қалалық филиалына ауыстыруды ұсынды. Асайын Байханов облыстық штабқа және штаб жетекшісі Илья Теренченкоға атқарған жұмыстары үшін алғысын білдіріп, мәселені қалалық деңгейде шешуге дайын екенін жеткізді. Өз кезегінде Илья Теренченко «Nur Otan» партиясы филиалы жанындағы қалалық штабқа шағынауданның барлық мәселесін тез арада шешуді сұрады және облыстық деңгейде Екінші Павлодар бойынша мәселелерді шешуге қолдау көрсетуге дайын екенін хабарлады.Әбілмансұр ЖАСАН