Министрлік жаңа вакциналардың қашан жеткізілетінін айтты
Министрлік жаңа вакциналардың қашан жеткізілетінін айтты
Фото: Gov.kz

Денсаулық сақтау министрлігі коронавирусқа қарсы вакцинаның қосымша 8 миллион дозасы қашан жеткізілетінін айтты.

Ведомство баспасөз қызметінің мәліметінше, қосымша партия тамызда жеткізіледі.
"Нақты күні белгісіз. "Спутник V" және ДДСҰ мақұлдаған Қытай вакциналарының бірін елге жеткізу үшін келісім-шарттар жасалды. Қай вакцина екені қосымша хабарланады", - деді Денсаулық сақтау министрлігі өкілі.
Бұған дейін Денсаулық сақтау министрі Алексей Цой коронавирусқа қарсы вакцинаның сегіз миллион дозасын  жеткізуге келісімшарт жасалғаны туралы айтқан еді. Министр жеткізу кестеге сәйкес жүргізіліп жатқанын, республикада халық вакцинамен жеткілікті қамтамасыз етілгенін айтты.