Токио Олимпиадасында қазақстандық палуан Данияр Қайсанов қола медаль үшін күресте өзбекстандық Бекзод Абдурахмоновтан жеңілді.
74 келіге дейінгі салмақтағы күресте Данияр Қайсановтан өзбекстандық палуан 13:2 есебімен басым түсіп, белдесуді мерзімінен бұрын аяқтады.
Айта кетейік, финал жолдамасы үшін таласта Қайсанов екі дүркін әлем чемпионы, ресейлік Заурбек Судаковтен жеңілді. Судаков 11:0 есебімен жеңіске жетіп, Олимпиаданың финалына өткен еді.
