Бүгін, 8 тамызда Токиодағы Олимпиада ойындары аяқталды. Соңғы ойындар су добы бойынша өтті, - деп хабарлайды Vesti.kz.
Ерлер арасында су добынан финалда Сербия Грекияны жеңіп, 2020 жылғы Олимпиада ойындарын аяқтады.
Жалпы есепте бірінші орынды АҚШ құрамасы иеленді - 39 алтын жүлде. Екінші орында Қытай - 38 алтын жүлде, ал Жапония үздік үштікті жапты - 27 алтын жүлде.
Қазақстан Токио Олимпиадасынан "алтын" да, "күміс" те ала алмады. Қоржынымызда тек сегіз қола медаль бар. Жалпы есепте Қазақстан 83-орынға тұрақтады. Бұл - ел тарихындағы ең нашар көрсеткіш.
Бізді Фиджи, Сан-Марино, Намибия және басқа да шағын мемлекеттер басып озды. Токио Олимпиадасының толық нәтижесін мына сілтеме арқылы көре аласыз.
