Отандастарымыздың шетелге жіберген ақшасы елге келген ақшадан 3,3 есе көп. Ranking.kz талдаушылары 2021 жылдың бірінші жартыжылдығында елімізден шетелге ақша аудару жүйесі арқылы жеке тұлғалар 451,9 миллиард теңге жібергенін, бұл 2020 жылдың сәйкес кезеңімен салыстырғанда 43,6 пайызға артық екенін хабарлады.
2021 жылдың қаңтар-маусым айларында шетелге 137,8 миллиард теңге жіберілген. Ең көп ақша Өзбекстанға кетіпті – 114 миллиард теңге. Одан кейін Түркия (96,2 миллиард теңге) және Ресей (93,3 миллиард теңге) тұр. Ақшалай қаражаттың елеулі көлемі қырғыз еліне (76 миллиард теңге) және Қытайға (15,4 миллиард теңге) да жіберілген. Ал шетелден келген ақша көлемі бойынша Ресей көш бастап келеді – 28,6 миллиард теңге. Бұл өткен жылдың сәйкес кезеңімен салыстырғанда 19,3 пайызға аз. Одан соң Өзбекстаннан 22,6 миллиард теңге келген. Бір қызығы, өткен жылмен салыстырғанда бұл көрсеткіш 72,4 пайызға артық. Үшінші орында Оңтүстік Корея тұр. Пандемияға байланысты бұл елден аударымдар 20,1 пайызға, яғни 20,9 миллиард теңгеге дейін қысқарған.М.ЖАЛҒАСҰЛЫ