«Жаным, ты не поверишь» фильмі New York Asian Film Festival кинофестивалінде көрсетілмек. Кинофестивальдің ерекшелігі онлайн форматта да, оффлайн режимде де өтеді. 6-22 тамыз аралығында Линкольн орталығында 60-тан аса түрлі жанрдағы фильмдердің көрсетілімі болады.
Режиссер Ернар Нұрғалиевтің «Жаным, ты не поверишь» картинасының тарихы жас жұбайлар арасындағы қарапайым отбасылық жанжалдан басталады (Данияр Алшынов пен Әсел Қалиева). Жағдай шиеленісе бастағанда, Дастан есімді бас кейіпкер (Азамат Маркленов, Ерлан Пірімбетов) бизнесмен және учаскелік полиция қызметкері балық аулауға шығады. Күтпеген жағдайлар бұл күнді қанды оқиғаға айналдырады. Режиссердің айтуынша, бұл – күлкілі әрі қызық кино. «Бір жағынан авторлық кино, бұған дейін түсірілген фильмдерге ұқсамайды. Екінші жағынан, көрермен күтпеген түрлі оқиғаларға толы. Музыкасы да бөлек, жұлдыздар да қатысқан әзілге толы фильм. Сценарийінде де еркіндік бар. Бұл фильм көрермен тарапынан да жоғары баға алды», – дейді режиссер.Гүл БЕКЗАТ