Президент жанындағы орталық коммуникациялар қызметінің алаңында өткен баспасөз конференциясында Ауыл шаруашылығы министрінің міндетін атқарушы Ербол Қарашөкеев биылғы құрғақшылыққа дайын болмағандарын мәлімдеді.
Ғалымдардың деректері бойынша, елімізде жыл сайын мал азығы зоотехникалық қажеттілік нормасынан 2 есе аз өндіріледі екен. Сонымен қатар жемшөптің осы көлемінің шамамен 70%-ы негізінен табиғи шабындықтарда және шабындық деп аталатын жайылымдарда жиналады. Ал олардың өнімділігі толығымен ауа райына байланысты. «Мал шаруашылығын тиісті азық-түлік қорынсыз дамыту – үлкен тәуекелге барумен бірдей. Сондықтан да құрғақшылық салдарын жою және залалды азайту бойынша шараларды қабылдау қажет. Қазіргі құрғақшылық секілді табиғи апаттардың орын алу ықтималдылығы анық еді. Сондықтан мұндай сценарийлерге алдын ала дайындалу қажет еді. Өкінішке қарай, біз биыл құрғақшылыққа дайын болмағанымызды көріп отырмыз, – деді Ербол Қарашөкеев. Ауыспалы егістегі жемшөп дақылдарының үлесі 15% деңгейінде қалып отыр. Бұл ғылыми-зерттеулер ұсынған көрсеткіштен 2 есе төмен. Жемшөп дақылдарымен небәрі 3,2 млн гектар ғана қамтылған.Нұрлан ОРАЗҒАЛИ