«Nur Otan» партиясы Қостанай облыстық филиалының қоғамдық қабылдау бөлмесі Қостанай облыстық мәслихатының депутаты Мәди Ихтиляпов тұрғындарды қабылдады.
Бірінші болып Қостанай қаласының тұрғыны зейнетақы картасының бұғатталып қалғанын, соны алып тастау бойынша көмек сұрады. Бұл мәселені шешу үшін сот орындаушысы шақырылды. Қарау қорытындысы бойынша бұғаттау алынып тасталды, өтінім оң шешілді. Екінші болып Қостанай қаласынан зейнеткер Семей полигоны аймағында әскери қызметті өткеруге байланысты жеңілдіктер беру мәселесімен жүгінді. Мәселені шешу үшін Қостанай қаласы бойынша Қорғаныс істері жөніндегі басқарма бөлімшесінің бастығы және Қостанай қаласының жұмыспен қамту және әлеуметтік бағдарламалар бөлімінің қызметкері шақырылды. Өтініш берушіге түсініктемелер мен заң кеңестері берілді. Мәселені Қостанай қаласы бойынша Қорғаныс істері жөніндегі басқарма бақылауға алды. Келесі балаларды мектепке дайындау мәселесімен жалғызбасты, көпбалалы ана жүгінді. Мәселе депутаттың жеке бақылауына алынды, оқу жылы басталғанға дейін балаларды кеңсе құралдары және мектеп формасымен қамтамасыз ету мүмкіндігі «Баланы мектепке жинайық!» партиялық акциясы аясында қаралатын болады. Осындай өтінішпен Наурызым ауданының тұрғыны қабылдауға келді. Ол да «Баланы мектепке жинайық!» партиялық акциясы бойынша көмек сұрады. Өтініш иесі сонымен қатар әзербайжан азаматы саналатын жолдасының құжаттарын рәсімдеуді сұрады. Оның мәселесі бақылауға алынып, көмек көрсетілетін болды. Сондай-ақ Наурызым ауданынан жалға берілетін тұрғын үй беру туралы сұрақпен зейнеткер көмекке жүгінді. Өтініш берушіге ҚР тұрғын үй заңнамасы және Қарамеңді ауылындағы жалға берілетін тұрғын үй бойынша түсініктеме берілді.А.ЖАСАНҰЛЫ