Қыдырудан қол тимеген аймақта өлім көп

аймақ той
© atr.kz

Әлем елдерін шарасыз күйге қалдырып, дағдартқан пандемияның өткен жылғы қаралы көші жалғасып жатыр. Еліміздің батыс аймағындағы Атырау өңіріндегі той-думан мен дүниеден өткендерге құран оқыту қаделеріне баруға тоқтам болмай тұр. Мониторинг топтарының да жұмысы баяу болуы өңірдің «қою қызыл аймақта» ұзақ қалуына себеп болды.

Атырауда кейінгі кездері тәу­лігіне 500-ге жуық адамнан коро­навирус анықталып жатыр. Алай­да бастапқы кезде үйлену той­ларына да қорқақтап баратындар бұл күндері мерейлі жастарын атап өтушілердің думанын да қал­дырмайтын болды. Дүниеден өт­кен жандардың қаделеріне бар­мауға «Ұят» себепші болып тұр. Ұятты ойлап, қыдырыстаудың со­ңы жасанды дем алу аппаратына тәуелді болатын жағдайға жет­кіз­ген жайы бар. Атыраудың барлық ауруханасы науқасқа толы. Жан­сақтау бөлімінде 89 адам жатыр.

Аймақта қалалық және аудан­дық аппарат әкімдерінің өкімде­рімен 64 мобильді топ құрылып, қазір карантин шараларының сақ­талуына мониторинг жүргі­зіліп жатыр.

Облыстық әкімдіктен берілген ақпаратқа сүйенсек, 2021 жылғы 1 қаңтар мен 11 тамыз аралығында 11418 рейдтік тексеріс өткізіліп, 46 796 нысан қамтылған. Облыс бойынша мониторинг топтары­мен 739 құқықбұзушылық бойын­ша материалдар түсті. Оның ішін­де жұмыс барысында – 90 ма­те­риал,мәжбүрлі түрде жет­кізуге – 29, 741-бабпен қысқар­тыл­ғаны – 55, дәлелді материал­дарды алуға полицияға жолдан­ғаны – 57.

Мониторинг топтары анықта­ған барлық заңбұзушылық бо­йын­ша шағын және орта бизнес обьектілеріне және жеке тұлға­лар­ға 505 айыппұл салынған. Оның жалпы соммасы – 73 млн 977 мын 829 теңге.

Індет жұқтырудың шарықтау шегіне жеткен өңірде тамыз айы­нан бастап мониторинг топтары­ның жұмысы қарқын ала баста­ған­дай болды.

Айталық, Атырау облысының бас мемлекеттік санитар дәріге­рінің қаулысына сәйкес карантин шараларын бақылау мақсатында 6-8 тамыз аралығында арнайы мониторинг тобымен 100-ден ас­там адам жиналатын жерлер мен қоғамдық орындар тексе­ріл­ген. Нәтижесінде, карантин тала­бына бағынбаған Royal Hall және «Им­пе­ратор» мейрамханасы, Café inn, Foodline, Ginza, «Аққа­йың» ка­фе­лері, Sky бар, Wine Time, «До­нер­стан», Neft street food және «БР-2» серуендеу кемесі анықталды.

Ал 8 тамыз күні қала маңын­дағы Береке ауылында «Атамекен» демалыс базасында той өткені дрон арқылы анықталды. Әуеден түсірілген бейнебақылау кезінде демалыс орнының аумағында көп көліктің тұрғаны байқалды. Тек­серу нәтижесінде, 90-ға жуық қо­­нақтың қатысуымен үйлену тойы өтіп жатқаны тіркелді. Бү­гінде аталған 12 мекемеден түсі­ніктеме алынып, барлық материал қалалық Санитарлық-эпидемио­логиялық бақылау басқармасына жолданған. Дегенмен тұрғындар үшін бұл тойдың таратылуы да сабақ болмады. Тойлар мен қо­нақтық қаделерді өткізу тоқтамай тұр.

Ал 9-11 тамыз аралығында ар­найы мониторинг тобы 60-тан астам адам көп жиналатын жерлер мен қоғамдық орындарды тек­серді. Нәтижесінде, «Пивомаг» алкомаркеті маскалық режимді және шектеу уақытын сақтамаса, Box burger griil карантин талап­тарындағы көрсетілген уақыттан жұмыс кестесін асырған. Соны­мен қатар рейд барысында мо­бильді топпен Алмалы ауылдық округінде 50-ден астам адамға отбасылық іс-шара өткізгені анық­талды. Ауылдық округке же­дел жеткен арнайы топ отбасылық іс-шараны тоқтатып, адамдарды таратты. Бүгінде аталған 3 жағдай бойынша түсініктеме алынып, барлық материал қалалық Сани­тарлық-эпидемиологиялық ба­қылау басқармасына жолданды.

Бұл – Атырау қалалық әкім­дігінің берген ақпараты. Дегенмен халық көп жиналатын жерлерді дрон арқылы анықтау, халыққа түсіндіру жұмыстарының нәти­жесі өңірдегі жағдайды тұрақтан­дыруға көмектеседі деген үмітіміз ақталып отырған жоқ. Бүгінде Атырау қаласы мен Теңіз кені­шінде індет жұқтырушылар саны артып тұр. Бүгінде Теңіз кені­шіндегі эпиде­миологиялық ахуал бас санитар­дың жаңа қаулысына сәйкес қатаң бақылауға алынған. Қазір Теңіз кенішіндегі инфек­ция­лық стацио­нарда 409 науқас жатыр. Аудан­дардың көш басында Жылыой мен Исатай ауданы тұр­ғаны да ауыл арасында той-жиын­дардың әлі де болса жаппай болуы мониторинг топтары жұмысының қауқарсыз­дығын көрсетіп тұр. Оған үй жағ­дайында ем алушы­лардың саны күрт өскені дәлел. Бүгінде 6 564 адам үйде ем алып жатыр. Мо­бильдік бригада науқас­тардың шақыртуына үлгермей жатыр.

Ресми көрсеткіштен соң, қала тұрғындары арасында ерікті түрде өткен сауалнамадан білгеніміздей, үйлену және мерейтойлар қала мен аудандарда, ауыл басында өтіп жатыр.

Ауыл тұрғыны Ләззат Тастан­қызы «Ауыл адамдары үшін үй мен ауладағы жазғы сарай «Той сарайы» нысанының орнын жоқтатпай тұр. Атырау шағын аймақ болған соң, барлық адам бір-бірін жақсы тани­ды деп айтуға болады. Сондықтан қазір тойдан аяқ тартып тұрғандар жер үй ау­ласында өтетін тойларға таңғалса, «Ұят болады» дегендер екі сағатқа ғана жарамды маскамен той мен қаделерден қалмай, ауыл арасын кезіп жүр», – деп аурудың асқынуынан қорқатынын ашық айтты.

Бұған қосарымыз, әлеуметтік желіде күн сайын «Қыз ұзату», «Сырға салу» қуаныштарынан суреттер мен бейнежазбалар, дү­ние­ден өткен жандардың қаделе­ріне шақыру туралы хабарлан­ды­руға толы. Ал мұны арнайы құрыл­ған мониторинг топтары назарға алып, тоқтатса, бәлкім тәулік са­йынғы жүздеген адамның көрсет­кіші азаяр ма еді?..

ТұрсынЖҰМАБЕКҚЫЗЫ,
Атырау облысы

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.